Newyddion Mawrth

Braf oedd cael dychwelyd yn ôl i’r ysgol a gweld arwyddion o’r Gwanawyn yn nesau. Yr ydym wedi bod yn brysur dros ben yn gorffen ein gardd ar y cae yn barod at weld popeth yn tyfu ac yn newid dros yr wythnosau i ddod. Bu i blant o Ddosbarth Melynllyn yn gweithio’n galed iawn yn gosod ein Twnel Helyg newydd ac mae nhw wrthi yn ddyddiol yn ei ddyfrio efo dŵr. Bu i Dosbarth Dulyn hefyd helpu drwy chwalu rhisgl ar y gwair o dan y rhisgl fel nad yw’n llithrig pan mae’r plant yn rhedeg drwyddo yn yr haf.

Mae ein pwll dŵr hefyd wedi gweld bywyd newydd ac yr ydym yn edrych ymlaen at weld grifft llyffant sydd ynddo yn troi i mewn i penbyliaid.

Mae plant Dosbarth Melynllyn a Dosbarth Crafnant wedi bod allan yn barod yn arsylwi ac yn darlunio y blodau sydd yn dechrau tyfu ac hefyd beth sydd yn byw yn ein pwll dŵr.

Mae hin’n gyfnod yr Eisteddfodau ac mae rhai o’r plant wedi bod yn brysur iawn yn cystadlu yn yr Urdd. Llongyfarchiadau i barti canu’r Dyffryn ac i Efa a Maddie am eu llwyddiant a diolch i’r holl blant a gystadlodd. Cawsom Eisteddfod yn yr ysgol hefyd a cafodd pob dosbarth gyfle i berfformio ac i wisgo mewn gwisg traddodiadol neu liwiau Cymru. cafwyd pnawn arbennig yn gwylio a clywed y plant.

Roedd y plant yn awyddus i gael anifeiliaid anwes yn yr ysgol felly cynhaliwyd diwrnod di wisg ysgol er mwyn codi pres. Llywddom i godi dros £170 ac erbyn hyn mae gennym danc pysgod a chwech o bysgpd oren llachar yn mwynhau eu cartref newydd. Bydd y plant yn cymryd tro i olchi’r tanc ac i edrych ar eu holau.

Buom yn dathlu Diwrnod y Llyfr yma a daeth y plant i’r ysgol fel cymeriadau allan o lyfrau a buont yn cwblhau gweithgareddau amrywiol yn ymwneud a’u hoff lyfrau yn ystod y dydd.

Cafodd rhai plant hefyd gyfle i wenud crempogau a’u bwyta ar ôl darganfod sut i wneud hynny drwy paratoi rysait a dull ar gyfer eu coginio.

Yn ogystal a’r holl weithgareddau ychwanegol y mae’r plant wedi bod yn brysur yn dysgu drwy eu themau a bu i Ddosbarth Crafnant arbrofi ar sut i gael gwrthrychau i hedfan a bu Dosbarth Geirionydd yn ymchwilio i pa ddefnydd oedd orau ar gyfer parasiwt drwy eu hedfan o lawr ucha’r ysgol i lawr at y mae parcio. Roedd amryw o’r wyau yn y parasiwt dal mewn un darn ar ôl glanio!

Y mae’r plant yn Nosbarth Eigiau wedi bod yn helpu o gwmpas yr ysgol drwy gasglu sbwriel a chawsant fosged blasus ar ol eu holl gwaith caled. Y maent hefyd wedi bod yn datblygu eu geirfa Cymraeg yn y gornel darganfod drwy enwi a chysylltu deunyddiau naturiol o’r llyfr ‘Dwi’n Mynd i Hela Arth.