Newyddion Mehefin

Llwyddiant Chwaraeon a Dysgu Egnïol

Mae ein disgyblion wedi bod yn manteisio ar y tywydd i ddatblygu sgiliau newydd a chynrychioli’r ysgol yn y gymuned.

• Pencampwyr Criced: Llongyfarchiadau mawr i'r 8 disgybl a gynrychiolodd yr ysgol yn Nhwrnament Criced Dyffryn Conwy. Chwaraeodd y tîm yn wych a dod yn AIL! 🥈 Gwych blantos! 🏏
• Llongyfarchiadau mawr i'r plant a aeth I Bro Gwydir i gynrychioli'r ysgol yn wych yn y Mabolgampau Dalgylch!👏 Ardderchog!
• Cafodd Dosbarth Geirionydd ddiwrnod braf hefyd draw ym Mhorth Eirias yn dysgu sgiliau bywyd pwysig yn ogystal â mwynhau yn y môr!💦🏊🏊‍♀️
• Hwyl yn yr Haul: Mae disgyblion ar draws yr ysgol hefyd wedi mwynhau’r haul wrth ddatblygu eu sgiliau criced cyffredinol.
• Sesiynau Rygbi: Diolch i Anna o Glwb Rygbi Nant Conwy am gynnal sesiynau rygbi hwyliog tu hwnt efo Dosabrth Geirionydd dros yr wythnosau diwethaf. 🏉 Roedd pawb wedi mwynhau yn arw ac yn siomedig mai hwn oedd ein sesiwn olaf.
  • Nodyn i Rieni: Cofiwch fod rygbi yn ail-ddechrau yn Nant Conwy ym mis Medi - cerwch amdani!

Sgiliau Bywyd a Hwyl Awyr Agored

Mae dysgu yn ein hysgol yn mynd ymhell y tu hwnt i’r ystafell ddosbarth. Y mis hwn, mae ein disgyblion wedi bod yn brysur yn ymarfer amrywiaeth o sgiliau ymarferol. 

• Llwyddiant Kerbcraft: Da iawn i’r plant o Fl 1 am gwblhau y sesiynau diogelwch ffyrdd Kerbcraft yn llwyddiannus! 🚥🚗
• Garddwyr Ifanc: Cawsom brynhawn prysur iawn dar y cae. Bu gwaith tîm arbennig gan Dosbarth Geirionydd wrth chwynnu, codi'r letys, a symud y compost. 🪏🪴
• Anturiaethau Pobi: Mae ein disgyblion iau o Ddosbarth Crafnant wedi bod yn brysur yn pobi, ac rydym yn gobeithio na fydd y Bachgen Bach Toes yma yn rhedeg i ffwrdd! 😉
• Yn ogystal, cafodd Dosbarth Dulyn fore gwych mewn gweithdy drymio!🥁

Dod â Hanes yn Fyw

Aeth ein disgyblion o Ddosbarthiadau Dulyn a Geirionydd gam yn ôl i’r Oesoedd Tywyll.

Daeth Rosie o Story Rangers i adrodd hanes lleol Y Garrog. Cafodd y plant gyfle i fod yn rhan o’r stori drwy ryngweithio a chydweithio, gan ddysgu am fywyd yn ystod yr Oesoedd Tywyll.

Mae tapestri mawr wrthi yn cael ei greu yn adrodd y stori gan gymuned Eglwysbach, ac rydym yn edrych ymlaen yn fawr at weld y fersiwn gorffenedig.

Ffocws yn y Dosbarth

Ochr yn ochr â’r holl weithgareddau awyr agored, mae disgyblion Dosabrth Melynllyn wedi bod yn canolbwyntio yn y dosbarth, gan atgyfnerthu eu medrau llythrennedd a rhifedd craidd. ⭐⭐⭐